無樓唔敢追女仔 一定有樓先結婚？

拍拖、結婚必須「有樓先有得傾」？有80後男生自言與母親一齊住公屋，無能力買私樓，認為以白表抽中居屋的機會渺茫，自稱遇上心儀女生也唔敢追求。有社工指，社會風氣鼓吹「有樓才是勝利者」，但年輕人應放遠目光，毋須急於在婚前已上車。

樓市處於顛峰，有層樓在手會增加自信？有37歲單身男在討論區自白，指月入2.4萬元，自覺無能力購買私樓，現時跟年邁母親住在公屋，母親明言不會以綠表抽居屋，他惟有以白表單人身份申請居屋，但相信抽中機會渺茫。帖文提及，「我遇到心儀�女仔，諗諗下都係唔追，如果真係要同佢建立家庭，一定要租樓，但係我�人工，如租樓住一定儲唔到錢，我唔想退休無錢傍身」，他更揚言「抽唔到居屋就唔結婚」。

勿因未置業 錯過好對象
部分人鼓勵事主「追咗先講」，日後或可以夫妻聯名申請居屋。亦有人建議他除了正職外，可做兼職增加收入，說不定可擴闊社交圈子，增加覓得心儀對象的機會。另有人批評事主打母親的公屋主意，認為長者不交出公屋抽居屋也有其考慮。

香港遊樂場協會資深社工溫立文表示，近年社會及網上討論區不少人鼓吹「有樓才是人生意義或勝利者」的風氣，甚至有人提出「無層樓就唔結婚」的論調。但他指，要是夫妻在婚後也有工作，暫時租樓住或是選擇在偏遠地區先上車，也是另一個可取的選擇。

情侶為儲首期作部署
另外，溫立文提醒年輕人勿因買樓而錯過好對象，最重要是雙方認為大家是適合，而非將物業及金錢等放在首要考慮。「曾有年輕人有感在市區買樓難，退而求其次在離島先置業，寧願多付出交通時間。」

香港基督教女青年會督導主任蘇艷芳指，大部分年輕人在畢業後或工作數年後，已籌謀組織家庭，例如與男女朋友商量儲錢結婚及買樓等，「有些新人為儲首期，與家人同住數年，之後才買樓，顯示他們早有部署。」

蘇艷芳續指，過去有些個案屬獨生子女，他們會跟住公屋的父母以綠表抽居屋，選擇購買三房單位，方便日後照顧長者。

編輯：黎家榮

網民回應
1. 37歲先得$24K，不過我又唔覺得只得呢條路。
2. 追咗先啦!大家情投意合咪一齊申請居屋、一齊儲錢。
3. 身邊仲有好多80及90後覺得搵兩三萬係中產。
4.你娘親養大你已盡了責任，但你仲想貪埋媽媽張綠表。